後遺症 (小公主的可愛天地)

fong | 27th Jun 2006, 17:51 PM | 小公主與我 | (560 Reads)

自小公主上次住醫院後，fong發覺小公主好奇怪。

好似今日帶小公主去間幼稚園攞入學嘅資料，我一拖住小公主入門口佢就即刻喊，見我行埋去同嘅職員講嘢，佢仲不斷尖叫，又耍手擰頭。我係咁安撫佢，又攞啲玩具俾佢玩，希望可以分散佢啲注意力，但都制止唔到，仲越喊越激。我唯有怱怱問完我要問嘅，就急急腳帶小公主走......

其實唔係第一次係咁，我又試過帶小公主入銀行，佢嘅反應差唔多，不過果次銀行無乜人，可以好快就走得。又試過同佢去管業處交管理費又係咁喊。入診所就更加唔駛講，又係大叫大喊。不過如果係平時去開嘅地方如：酒樓、便利店、街市、快餐店等，小公主又無事喎！

小公主令fong好唔方便同好尷尬 emoticon ，因為有時我一定要同小公主去，好似去銀行就無可能唔去，小公主又失晒控咁，攪到我都唔知點好，有時要等得太耐，就唯有走先遲啲再去。小公主嘅行為令我大惑不解，究竟小公主驚啲咩呢？唔通係着制服嘅人？勾起佢住院嘅事？定係啲咩呢？ emoticon

留言(16) | 引用(0) | 話題(特別事)

[1]

可能係d氣氛唔好

[引用] | 作者阿金 | 27th Jun 2006 21:27 PM | [舉報垃圾留言]

[2]

真的好奇怪, 係唔係因為呢d偶然才去一次的地方感覺不好?? 小朋友的心理真的好奧妙

[引用] | 作者猫猫兔 | 27th Jun 2006 23:37 PM | [舉報垃圾留言]

[3]

小朋友好難明佢驚啲乜!

[引用] | 作者金婆婆 | 28th Jun 2006 00:59 AM | [舉報垃圾留言]

[4] Re: 阿金

阿金 :
可能係d氣氛唔好

哈！可能係噃！同樣都好靜焗喎！

[引用] | 作者 fong | 28th Jun 2006 01:06 AM | [舉報垃圾留言]

[5] Re:貓貓兔

猫猫兔 :
真的好奇怪, 係唔係因為呢d偶然才去一次的地方感覺不好?? 小朋友的心理真的好奧妙

係呀，真係好難捉摸架！

[引用] | 作者 fong | 28th Jun 2006 01:08 AM | [舉報垃圾留言]

[6] Re: 金婆婆

金婆婆 : 小朋友好難明佢驚啲乜!

係囉，最慘佢又唔識講比你聽，估又估佢唔到喎...

[引用] | 作者 fong | 28th Jun 2006 01:11 AM | [舉報垃圾留言]

[7]

佢入院時﹐喺咪望住妳去登記呀﹗如果係嘅話﹐就好有可能係驚咗妳又擺底佢喺醫院囉﹗其實小朋友好醒目架﹗須要記得嘅實記得架﹗唔番得屋企對佢哋嚟講係好大件事嚟架﹗見唔到父母唔驚就假喇﹗重成日見埋啲生面孔和要食藥打針﹐大人都叫救命啦﹗何況小朋友吖﹗妳要醫佢就多啲帶佢去陌生嘅地方﹐有時無事都去診所轉個圈行番出嚟﹐咁佢習慣咗同埋覺得無事發生咪唔驚囉﹗嘻嘻﹗

我個仔第一日番學﹐發晒顛咁喊﹐我都未見過佢喊成咁架﹗心痛死我吖﹗我宜得即刻帶佢走呀﹗又打人喎﹗係都唔畀我走呀﹗但第二日佢又無嘢噃﹗一啲都唔抗拒番學﹗

[引用] | 作者靚媽 | 28th Jun 2006 05:20 AM | [舉報垃圾留言]

[8]

允祈也有類似情况,由於佢記得係播道打過針.留下陰影,每每再去看醫生,她就發哂矛又喊又叫.不過,我賞試用說話氹佢,好似一次好過一次. 而BB亦懂得我地日常一般說話了.只不過未懂講而已.我估小公主可能某次被嚇親而留下陰影.

[引用] | 作者允祈爸爸 | 28th Jun 2006 12:41 PM | [舉報垃圾留言]

[9] Re:靚媽

靚媽 :
佢入院時﹐喺咪望住妳去登記呀﹗如果係嘅話﹐就好有可能係驚咗妳又擺底佢喺醫院囉﹗其實小朋友好醒目架﹗須要記得嘅實記得架﹗唔番得屋企對佢哋嚟講係好大件事嚟架﹗見唔到父母唔驚就假喇﹗重成日見埋啲生面孔和要食藥打針﹐大人都叫救命啦﹗何況小朋友吖﹗妳要醫佢就多啲帶佢去陌生嘅地方﹐有時無事都去診所轉個圈行番出嚟﹐咁佢習慣咗同埋覺得無事發生咪唔驚囉﹗嘻嘻﹗
我個仔第一日番學﹐發晒顛咁喊﹐我都未見過佢喊成咁架﹗心痛死我吖﹗我宜得即刻帶佢走呀﹗又打人喎﹗係都唔畀我走呀﹗但第二日佢又無嘢噃﹗一啲都唔抗拒番學﹗

講開又好似係喎！果次入院，佢真係睇住我登記架，可能係咁所以每次我做類似嘅動作，佢又以為要入院就發難囉！多謝提醒！！

[引用] | 作者 fong | 28th Jun 2006 14:16 PM | [舉報垃圾留言]

[10] Re: