難得的一天 (小公主的可愛天地)

fong | 4th Jul 2006, 15:26 PM | 個人感想 | (489 Reads)

老公連續休假四日，今天是第四日，也是fong的休息日。因為老公前排考電工牌，依家pass咗，今日帶咗小公主去攞証書，順便帶小公主去街街，而我就喺屋企偷懶囉！ emoticon

頭先同老公同小公主一齊落街食嘢，然後佢哋就出咗去嘞。而fong就慢慢咁享受自己嘅午餐（佢哋食完就走咗，賴低fong），跟住慢吞吞咁行去買麵包（聽日嘅早餐），又慢吞吞咁去生果店度揀香蕉，再慢條斯理去買今晚嘅餸，一路沿途都係慢吞吞、慢吞吞、慢吞吞......番到屋企竟然用咗成個幾兩粒鐘，平日15-20分鐘就可以完成架。

但係fong好享受呢一陣又悠閒，又寫意嘅感覺，有小公主之後，時間、所有空間都唔屬於我自己，每每都要先照顧好小公主，自己反而放喺次要嘅位置。久而久之，覺得好攰好想放假，好掛住未有小公主時嘅自由，鍾意瞓到幾點就幾點（我係睡魔嚟），鍾意去邊玩就去玩（亦都係個爛玩精）。

其實除咗要工作嘅朋友要休息之外，我呢啲全職湊女師奶，都非常需要休息架，尤其係我咁懶嘅人，唔係會心理唔平衡架！呵呵~~ emoticon

留言(8) | 引用(0) | 話題(生活點滴)

[1]

假期愉快啊~~!!

[引用] | 作者 miko | 4th Jul 2006 20:38 PM | [舉報垃圾留言]

[2]

emoticon 的確好愉快~~

[引用] | 作者 fong | 4th Jul 2006 21:33 PM | [舉報垃圾留言]

[3]

原來是老公放假了，哈！

今天晚上我個悶蛋話明天放了假，所以今晚可以睇波，我話我都想睇，但怕明天冇精神，悶蛋話你天天都係放假日啦，點知兩個女快過我咁同爸爸講：「媽媽呢種工作係冇假放ga，又冇得放工ga...」「係啦，佢只可以晚上睡覺時先有得休息，唔係tim呀,有時仲要過來看看我們有沒有"付被子"呀...」

哈哈，所以我話媽媽真是24小時全天候隨傳隨到的超級阿四呀！

[引用] | 作者容子 | 4th Jul 2006 23:23 PM | [舉報垃圾留言]

[4] Re: 容子

容子 : 原來是老公放假了，哈！今天晚上我個悶蛋話明天放了假，所以今晚可以睇波，我話我都想睇，但怕明天冇精神，悶蛋話你天天都係放假日啦，點知兩個女快過我咁同爸爸講：「媽媽呢種工作係冇假放ga，又冇得放工ga...」「係啦，佢只可以晚上睡覺時先有得休息，唔係tim呀,有時仲要過來看看我們有沒有"付被子"呀...」哈哈，所以我話媽媽真是24小時全天候隨傳隨到的超級阿四呀！

咪係，好彩兩個女幫口啫，媽媽呢份工係無得放工架，仲年中無休，病都要開工添！不過我有時都會偷吓鷄，好似今日咪係我偷懶日囉！ emoticon